بھوک بہت زیادہ لگنے کے دو انداز

۔۔۔۔۔۔۔۔۔ مطب کامل ۔۔۔۔۔۔۔۔۔۔
۔۔۔۔۔ بھوک بہت زیادہ لگنے کے دو انداز۔۔۔۔۔۔
طبی کتب میں اس مرض کو دو علیحدہ علیحدہ ناموں سے واضح کیا گیا ھے لیکن وضاحت اس انداز میں لکھی ھے جسے عام طبیب کسی طور نہیں سمجھ سکتا!
پہلے ناموں کو لکھتے ھیں
ایک مرض کو جوع البقر کہتے ھیں یعنی گائے جیسی بھوک
جبکہ دوسری کو جوع الکلب کہتے ھیں یعنی کتے جیسی بھوک
لفظ جوع کے معنی بھوک کے ھیں جبکہ بقر گائے کو اور کلب کتے کو کہتے ھیں
اب اگلی وضاحت کرتے ھیں
ایک بھوک وہ ھوتی ھے جب لگتی ھے تو بندہ بے صبرا ھو جاتا ھے اور اس کا احساس اتنا شدید ھوتا ھے کہ بندہ بے حال ھو جاتا ھے اس بھوک کو انگریزی میں Scratching Hungerکہتے ھیں یعنی ایسے محسوس ھوتا ھے جیسے معدہ کے پرت کھرچے جا رھے ھیں اب اس بات کو یاد رکھیں یہ کیفیت اس وقت پیدا ھوتی ھے جب سودا اور ترشی کی کثرت ھو اور وہ اپنی تیزی اور تندی سے خالی معدہ کی جھلیوں پر اثرانداز ھوتی ھے تو شدید احساس پیدا ھوتا ھے بھوک شدید کے احساس کو مٹانے کے لیئے کھایا بھی زیادہ جاتا ھے یاد رکھیں یہ سب عضلاتی اعصابی تحریک کا کمال ھوتا ھے اسے جوع الکلب کہتے ہیں
علاج کے لیے بڑا ھی آسان کام ھے آپ مریض کے جسم میں عضلاتی غدی اور پھر غدی عضلاتی تحریک پیدا کریں گے حرارت بدن بھی بڑھے گی تو مرض جاتی رھے گی اس کے لئے پہلے سے تریاق تبخیر اور تریاق معدہ بہترین دوائیں ھیں ساتھ لونگ جاوتری دارچینی کا قہوہ بنا کر دیں یا پھر تیز پات پودینہ اجوائن دیسی اور کرفس کا جوشاندہ دیں جوارش جالینوس کھلائیں دوالمسک جواھردار دیں انشاء اللہ تعالیٰ مرض جاتی رھے گی
اب بات کرتے ھیں جوع البقر مرض کی
یہ بھوک معدہ میں غدی سوزش کی وجہ سے پیدا ھوتی ھے اب تھوڑی ھی مقدار میں کھا لینے سے بھوک مٹ جایا کرتی ھے چونکہ اس میں صفرا کی کثرت ھوتی ھے اس لئے جلد ھی کھایا تحلیل ھو جاتا ھے اور دوبارہ سے بھوک لگ جایا کرتی ھے اب پھر تھوڑا کھانا کھانے سے بھوک مٹ جاتی ھے تھوڑی ھی دیر بعد پھر لگ جاتی ھے یعنی تھوڑا تھوڑا کر کے بندہ دن میں کئی بار کھاتا ھے یعنی بالکل گائے جیسی بھوک لگتی ھے وہ بھی تو اسی طرح کرتی ھے اب دوستو یہ غدی اعصابی تحریک ھوتی ھے اور اسے جوع البقر مرض کا نام دیا گیا ھے اب صاف ظاھر ھے آپ اعصابی غدی تحریک سے اعصابی عضلاتی تحریک پیدا کریں گے تو یہ مرض جاتی رھے گی آپ قبض کی صورت میں ملینات دیں باقی شدید محرک ادویات دے لیں ھضم نمبر چھ دیں یہ سب نسخہ جات پہلے سے گروپ مطب کامل میں موجود ھیں یعنی لکھے جا چکے ھیں اب ایک نقطہ بھی بتا رھا ھوں اور ایک تیسری مرض کی بھی نشاندھی کررھا ھوں ایک مرض ھوا کرتی ھے سقوط اشتہاء یعنی بھوک کا بالکل ھی نہ لگنا یا بھوک کا احساس ھی نہیں ھوتا کہ آیا بھوک لگی بھی ھے یا نہیں معدہ خالی ھے یا کچھ خوراک معدہ میں موجود ھے یعنی احساس کا بطلان ھوجاتا ھے یہ سوال کمنٹس میں ضرور آنا تھا تو دوستو یاد رکھیں اعصابی تحریک میں سقوط اشتہاء کا مرض لاحق ھوا کرتا ھے اب سیدھی سی بات ھے آپ عضلاتی تحریک پیدا کریں گے یعنی سودا اور ترشی جسم میں بڑھائیں گے تو بھوک لگنے لگے گی وھی لکڑ ھضم پتھر ھضم سنڈھ کلو نمک سیاہ نمک سفید ھر ایک پاؤ پاؤ قرنفل،فلفل دراز،گندھک آملہ سار ھر ایک بیس بیس گرام، الائچی خورد بھی بیس گرام اب سب دوائیں پیس کر لیمن کے پانی میں تر کریں اور پھر خشک کریں پھر لیمن کے پانی میں تر خشک کریں یہ عمل سات بار کریں اور پھر گولیاں نخودی بنا کر ایک تا چار گولی تک غذا کے بعد استعمال کریں اب گندھک کو مدبر کر لیں تو بہتر نہ کریں تو حرج نہیں ھے میرا خیال ھے اب سوالوں کی گنجائش نہیں رھی