اُٹنگن

 ۔۔۔۔۔۔۔۔۔۔۔خزائن المفردات۔۔۔۔۔۔۔۔۔۔۔۔
۔۔۔۔۔۔۔۔۔۔۔اُٹنگن ۔۔۔۔۔۔۔۔۔۔۔
تعارف۔۔دوا مین اس بوٹی کے بیج استعمال ھوتے ھین ۔جو مغز تخم کشنیز سے مشابہ ھین درخت چھوٹا اور چار پتون والا ھوتا ھے پتون مین کلی اور اس مین دوعدد بیج ھوتے ھین
مزاج۔۔ترگرم اول درجہ مین یعنی اعصابی غدی ھے
ذائقہ مین میٹھا اور بدمزہ ھوتا ھے
رنگ خاکی ھے
ان مین ایک قسم کی اسفنجی کیفیت ھوتی ھے جب ان پہ پانی چھڑکا جاتا ھے تو فورا ابھار پکڑتے ھین یعنی رطوبت کو جذت کرنا شروع کردیتے ھین
خواص۔۔مقوی اعصاب ۔۔دافع سوزش غدد۔۔مقوی باہ ۔۔مغلظ منی
جاذب رطوبات۔سرعت انزال اور سیلان الرحم مین فائدہ مند محرک اعصاب خوبی کی وجہ سے جب مقوی باہ اور غدد کی سوزش دور کرتا ھے تو لازما ممسک بھی ھے
گردون کی سوزش اور پیشاب کی جلن مین بھی مفید ھے
خشک کھانسی کو بھی درست کرتا ھے
یاد رھے نمناک زمین مین پیدا ھوتا ھے
نوٹ۔۔ پوسٹ کا ایک مقصد یہ بھی ھوتا ھے آپ لوگ پڑھنے کے بعد اب جس جس علاقہ مین یہ پودا پیدا ھوتا ھے اس بارے مین آگاہ کیا کرین 

بید مشک

 ۔۔۔۔۔۔۔۔۔۔

المفردات ۔۔۔۔۔۔۔۔۔۔۔۔۔۔خزائن
۔۔۔۔۔۔۔۔ بید مشک ۔۔۔۔۔۔۔۔۔۔۔
اسی نام سے زیادہ مشہور ھے باقی فارسی مین گربہ بید عربی نام خلاف بلخی ھے
دو اقسام کا ھے ایک بید سادہ یہ ذرا قد مین بڑا ھوتا ھے اور دوسرا بید مشک
بید سادہ ذرا کم خوشبودار ھوتا ھے جبکہ بید مشک کے پھول سے زیادہ خوشبو آتی ھے پاکستان مین لاھور تا پشاور سب جگہ پایا جاتا ھے رنگ اور تعارف درخت تصاویر سے بہت واضح ھے
ذائقہ تیز ھے
مزاج اعصابی عضلاتی ھے سرد تر
مقدار تازہ کا رس دو تا پانچ تولہ تک جبکہ عرق انچ تا دس تولہ تک
افعال ۔۔محرک دماغ واعصاب ھونے کی وجہ سے مسکن حرارت ھے کیمیاوی طور پہ خون مین رطوبات صالح پیدا کرتا ھے
جگر مین تحلیل کرکے جگر کو ھرقسم کے سدون سے پاک کرتا ھے مخرج حرارت ھونے کی وجہ سے گرمی کی پیاس قے اور خفقان قلب مین بہت مفید ھےخوشبودار ھونے کی وجہ سے مفرح قلب ھےصفراوی درد سر مین بہت مفید ھے
صفراوی بخارون مین  بہت مفید ھے جبکہ سوداوی یا بلغمی بخار مین کوئی فائدہ نہین ھے
یہ دوا مقوی دماغ ھے لیکن بعض حکماء نے اسے مقوی قلب بھی لکھ دیا ھے جبکہ یہ مقوی قلب کسی صورت بھی نہین ھے بلکہ صرف مفرح قلب ھے بلکہ زیادہ استعمال سے مضعف قلب یعنی دل کو کمزور بھی کردیتا ھے

لو بلڈ پریشر

۔۔۔۔۔۔۔۔۔مطب کامل ۔۔۔۔۔۔۔
۔۔۔۔۔۔ لو بلڈ پریشر ۔۔۔۔۔۔۔
ھائی بلڈ پریشر کا علاج تو ھم روزانہ کسی نہ کسی پوسٹ مین پڑھ ھی لیتے ھین جبکہ بلڈ پریشر کا کم ھو جانا بھی بہت ھی زیادہ خطرناک ھے دل فیل ھوجاتا ھے ایلوپیتھک مین تو ایسی حالت مین فوری مدد کے لئے بے شمار ادویات ھین اور کچھ نہین تو ڈیکا ڈران انجیکشن سے ھی کام لے لیا جاتا ھے لیکن طب مین آپ کو ایسی حالت کا مستقل علاج بتائے دیتا ھون مندرجہ دوا استعمال کرنے سے مستقل طور پر اس مرض سے چھٹکارا مل جائے گا
تخم اسپند اور مگھاں برابر وزن پیس لین تین ماشہ تک صبح دوپہر شام ھمراہ پانی دین
اب جن کا بلڈ پریشر لو رھتا ھے جسم مین سستی رھتی ھے کام کاج کرنے کی ھمت نہین رھتی ان سب کو یہ دوا استعمال کرائین چند روز مین تمام عوارضات ختم ھو کر بندہ اس مرض سے چھٹکارا پا جائے گا محمود بھٹہ گروپ مطب کامل

ریٹھا

 ۔۔۔۔۔۔۔۔۔خزائن المفردات۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔ریٹھا۔۔۔۔۔۔۔۔۔۔۔۔۔۔۔
فارسی ھندی نام ریٹھا سندھی نام اریٹھو جبکہ انگریزی نام سوپ نے ھے
تعارف
ایک پہاڑی درخت کا پھل ھے چھوٹی چھالیہ کے برابر ھوتا ھے پھل گچھوں کی شکل میں لگتا ھے اس کا باھر کا حصہ پتلے باریک چھلکے پہ قائم ھوتا ھے اب اس چھلکے کے اندر سیاہ رنگ کی گھٹلی ھوتی ھے اور گٹھلی کے اندر سفید رنگ کا مغز ھوتا ھے
رنگ زردی مائل سفید گٹھلی کا مغز بھی سفید جبکہ گٹھلی کا رنگ سیاہ ھے ذائقہ تلخ ھوتا ھے
مقام پیدائش۔۔ پنجاب میں کہیں کہیں درخت نظر آتے ھیں دراصل اس کی کاشت کا خیال کسی کو نہیں اگر کاشت کیا جائے تو امید ھے پنجاب سندھ اور خیبر پختونخوا میں ضرور پیدا ھو گا اور بلوچستان کے بھی زیادہ حصوں میں کاشت ھو سکتا ھے یہاں منڈی بہاوالدین ضلع میں کافی تعداد میں یہ درخت پائے جاتے ھیں
مزاج۔۔ اعصابی غدی ھے ترگرم
مقدار خوراک چار رتی تا ماشہ
خواص۔۔مولد ومخرج رطوبات۔۔۔مخرج صفراوحرارت، جالی لازع مخرش غشا مخاطی تریاق مارگزیدہ وعقرب معطس ۔ تریاق خناق
فائدے۔۔۔
تمام غدی اعصابی ادویہ میں سب سے تیز اثرات کا حامل ھے چند منٹ میں عصبی نظام کو ھیجان میں لے آتا ھے چونکہ مخرش  اور لازع ھے اس لئے برص چھائیں اور بہق پہ ضماد کرنے فایدہ دیتا ھے
ریٹھا شدید الکلی کے اثرات رکھتا ھے غدی عضلاتی تحریک سے گلے کی غشا مخاطی میں جب شدید ورم پیدا ھو تو اسے عرف عام میں خناق کا مرض کہتے ھیں اس کے لئے دوتین ریٹھوں کے چھلکا کا پاؤ بھر پانی میں ابال کر جوشاندہ سا بنا دیں اب اس سے غرارے کرانے سے مرض درست ھو جاتی ھے عام طور پہ ٹانسلز کا مرض عام ھے اس کے لئے حب بندق کا نسخہ بے شمار مرتبہ لکھ چکا ھوں اب پھر لکھے دیتا ھوں
گندھک آملہ سار۔۔رائی ۔۔۔ چھلکا ریٹھا برابر وزن پیس کر حب نخودی بنا کر ایک تا دو گولی صبح دوپہر شام ھمراہ پانی دیں یہی دوا آپ بواسیر جیسے مرض پہ استعمال کریں رزلٹ سوفیصد ملے گا اگر مندرجہ بالا ادویہ میں 5گرام قلمی شورہ کا اصافہ کرکے گولیاں بنا لیں تو پھر مندرجہ ذیل امراض میں مبتلا افراد کے لئے تیر بہدف دوا بن جائے گی
سوزاک۔۔خونی پیچش۔۔ چھوٹے پیشاب میں خون آنے کی شکایت تقطیرالبول یا عسرت الطمث ھو یہ سب درست ھو جاتی ھیں
مردہ جنین کو خارج کرنے کے لئے پیس کر فرزجہ بنا کر اندام نہانی میں رکھتے ھیں
مارگزیدہ وعقرب گزیدہ کے لئے تریاق صفت دوا ھے مارگزیدہ کو چھ ماشہ پیس کر پانی میں ملا کرپلانے سے دو دو گھنٹے بعد پلاتے رھیں تمام زھر قے اور اسہال کے ذریعے خارج ھو جاتی ھے مارگزیدہ مقام پہ بھی پیس کر لگائیں عقرب گزیدہ مقام پہ بھی پیس کر لگائیں فورا درد سے سکون ملے گا
بے شمار حکماء نے ریٹھا کا مزاج گرم خشک لکھا ھے لیکن جو فوائد لکھتے ھیں تو بالکل الٹ لکھتے ھیں اب گرم خشک دوا کا کام ھے کہ صفرا بڑھائے جبکہ تجربات سے اور ان کی تحاریر سے بھی یہ بات صاف عیاں ھے کہ ریٹھا ھر صفراوی مرض کو درست کردیتا ھے جیسے سوزاک یرقان اصفر جریان خون تقطیر البول چھپاکی درست ھوتے ھیں اور جو امراض رطوبت بڑھنے سے پیدا ھوتے ھیں مثلا سلسل بول زکام چھینکیں آنا دست و قے وغیرہ ریٹھا کے مسلسل استعمال سے بڑھ جایا کرتے ھیں اب ان دلائل سے ھی یہ بات ثابت ھو جاتی ھے مزاج تر گرم ھے اور جن کتابوں میں گرم خشک لکھا ھے وہ غلط لکھا ھے 

جوشاندہ عسر ولادت

۔۔۔۔۔۔۔۔۔۔ مطب کامل ۔۔۔۔۔۔۔۔۔۔۔۔۔
۔۔۔۔۔جوشاندہ عسر ولادت۔۔۔۔۔۔
برگ بانس اڑھائی تولہ آدھ سیر پانی میں پکائیں جب پانی نصف رہ جائے تو اتار کر چھان لیں اب اس کے ساتھ دو ماشہ سہاگہ بریان کھلا دیں پندرہ تا بیس منٹ میں بچہ کی پیدائش ھو جاتی ھے بعض دفعہ دو تا تین خوراک دینی پڑتی ھیں جو آپ ھر آدھے گھنٹہ بعد دے سکتے ھیں

لونیا ساگ-خزائن المفردات

اھم بات
خزائن المفردات گروپ میں کچھ اس انداز میں پوسٹ لکھی جاتی ھے جس میں نباتات کے فائدے اور نقصان دونوں کو مدنظر رکھا جاتا ھے
۔۔۔۔۔۔۔۔۔۔۔ خزائن المفردات۔۔۔۔۔۔۔۔۔
۔۔۔۔۔۔۔۔۔۔۔۔۔۔لونیا ساگ ۔۔۔۔۔۔۔۔۔۔۔۔۔۔۔۔۔۔۔
عربی نام۔۔۔۔بقلتہ الحامض
ھندی نام۔۔۔۔۔لونک ساگ
اردو نام۔۔۔ لونیے کا ساگ
انگریزی نام۔۔۔۔purslane
شور زمین کا خورد رو ساگ ھے خرفہ ھی کی ایک قسم ھے
اسکے پتے شاخیں بالکل ھو بہو خرفہ سے ملتے جلتے ھیں
رنگ۔۔۔پتے سبزی مائل سرخی مائل پھول زردی مائل
ذائقہ۔۔۔شور
مقدار خوراک۔۔۔حسب منشا کھایا جا سکتا ھے
مزاج سرد تر ھے یعنی اعصابی عضلاتی ھے
انتہائی سرد ھونے کی وجہ سے طبیعت کو نرم کرتا ھے
صفرا اور خون کے جوش کو تسکین دیتا ھے بلڈ پریشر میں مفید ھے گرمی کی پیاس ٹھیک کرتا ھے
لیکن بلغم پیدا کرتا ھے اور رطوبات کا اصافہ کرتا ھے یعنی موٹاپا لاتا ھے
اس کے پتوں کو کالی مرچ کے ساتھ پیس کر پلانا ھر قسم کے جریان خون کو روکتا ھے
لیکن شوگر کے مریض سنگرھنی اور بدھضمی کے مریض یا دست قے جن کو ھو وہ اسے استعمال نہ کریں کیونکہ اس کے استعمال سے شوگر بڑھ جایا کرتی ھے

روغن بہرہ پن

۔۔۔۔۔۔۔مطب کامل ۔۔۔۔۔۔۔۔۔۔۔
۔۔۔روغن بہرہ پن ۔۔۔۔۔۔۔۔۔
مزاج کے اعتبار سے یہ تیل اعصابی غدی ھے
آپ اسے روغن سماعت کشا بھی کہہ سکتے ھیں
بہرہ پن اور ثقل سماعت یعنی کوئی بات کرے اور بندہ سن لے لیکن سمجھ نہ آئے اب ان ھر دوحالتوں میں مفید ھے
صفراوی فضلات جہاں کہیں بھی رک جاتے ھیں اب ان نالیوں کے منہ کھول کر انہیں جاری کردیتا ھے جونہی فضلات خارج ھوتے ھیں عضو ماؤف ھلکا اور بات ھوجاتا ھے اور اپنا کام بخوبی کرنے لگ جاتا ھے
اب ایک نقطہ یاد رکھیں جب غدی عضلاتی تحریک میں اعصاب میں رطوبات رک جاتی ھیں تو اعصاب کام چھوڑ جاتے ھیں یا پھر بہت کم کام کرنے لگتے ھیں یہی صورت جب کانوں میں واقع ھوتی ھے تو ثقل سماعت۔۔۔بہرہ پن ھوجاتاھے مریض اونچا سننے لگ جاتا ھے ایسی صورت میں کانوں میں اس روغن کا استعمال کریں تو کا نوں میں رکے مواد خارج ھو جاتے ھیں اور اعصاب تیز ھو کر دوبارہ کام کرنے لگ جاتے ھیں
تین تا چار قطرے صبح شام کان میں ٹپکائیں چند روز میں سماعت درست ھو جاتی ھے
اب روغن بنانے کا طریقہ۔۔۔
آب مولی نصف کلو
روغن کنجد 250گرام
اب ان دونوں کو ملا کر آگ پر رکھ دیں جب سب مولی کا پانی جل جائے صرف تیل رہ جائے تو
برگ دھتورا کا پانی 100گرام
برگ مدار کا پانی 100گرام
اب ان دونوں کواس تیل میں ڈال کر آگ پر رکھ دیں جب یہ بھی پانی جل جائیں صرف تیل باقی رہ جائے تو نیچے اتار لیں بس دوا روغن سماعت کشا تیار ھے
نوٹ۔۔۔ مولی دھتورا مدار تینوں کے پانی نکال کر پہلے فلٹر کریں روئی سے پھر تیل میں ترتیب سے ڈالیں ایسا نہ ھو کہ آپ ان تینوں کے بھاری پانی جس میں ابھی ان اشیاء کا فضلہ شامل ھوتا ھے وہ نہ ڈالیں بلکہ فلٹر کرکے ڈالیں

جوارش جالینوس||jawarish jalinoos

۔۔۔۔۔۔۔مطب کامل ۔۔۔۔۔۔۔۔۔۔۔
۔۔۔۔جوارش جالینوس۔۔۔۔۔۔۔

Jawarish jalinoos
کل کی پوسٹ پہ زیادہ تر لوگوں نےجوارش جالینوس کا نسخہ لکھنے کا کہا تو آئیے آج اسی کا نسخہ لکھتے ھیں
اسارون۔۔۔۔۔بالچھڑ ۔۔۔۔۔۔فلفل دراز۔۔۔۔چرائتہ شیریں ۔۔۔حب الاس۔۔۔۔خولنجان ۔۔۔۔سنڈھ۔۔۔دارچینی۔۔۔ناگر موتھا ۔۔۔عود بلسان ۔۔مرچ سیاہ۔۔لونگ۔۔قسط شیریں۔۔۔ھر ایک دوا بیس گرام
مصطگی رومی ۔۔۔ ساڑھے سینتیس گرام
زعفران چھ گرام شہد خالص تین گنا وزن تمام دواؤں کے وزن سے
عرق گلاب تیس ملی لٹرمیں پہلے زعفران اچھی طرح کھرل کرکے باریک میدہ کی طرح کر لیں اب باقی تمام دوائیں باریک پیس کر شہد کا قوام کرکے اس میں شامل کرکے بعد میں زعفران بھی ڈال لیں اور اچھی طرح مکس کر لیں دوا تیار ھے
آنتوں اور معدہ کی قوت ماسکہ بڑھاتی ھے جب قوت ماسکہ بڑھ جائے تو بدھضمی جیسی مرض قے گھبراہٹ کے لئے انتہائی اعلی دوا ھے اب مثانہ کی قوت ماسکہ بھی بڑھاتی ھے جس کی وجہ سے پیشاب کی زیادتی روکتی ھے بھوک لگاتی ھے کاسر ریاح ھے منہ کی بدبوسے نجات حاصل کرنے کے لئے اس سے بہتر کوئی دوا نہیں اب تین چیزوں میں انتہائی اھم دوا ھے
1۔۔بلغمی کھانسی درست کرتی ھے
2۔۔بلغمی دمہ درست کرتی ھے
3۔۔بواسیر کو مستقل ختم کرنے میں معاون ھے
اب مندرجہ ذیل خوبیاں ھر کوئی جانتا ھے
گردہ مثانہ کی پتھری کو نہ صرف توڑتی ھے بلکہ آئیندہ پتھری بننے کو بھی روکتی ھے
بال سفید ھونے ھو جائیں تو اس کا مسلسل استعمال بالوں کو دوبارہ سیاہ کردیتا ھے یاد رھے یہ ایک سال کھانے سے بال سیاہ کرتی ھے
ھان حرارت غریزی پیدا کرنے میں اس سے بہتر کوئی دوا نہیں ھے اس وجہ سے معدہ اور آنتوں کے امراض میں اکسیر کا درجہ رکھتی ھے
اب کچھ وضاحتیں۔۔۔۔۔۔
زعفران لکھا دیکھ کر بہت سے لوگ یا تو اس دوا کے قریب ھی نہیں جائیں گے بس یہی بات ذھن میں آئیگی کہ مہنگی دوا ھے یا پھر اس کا متبادل تلاش کرنا شروع کردیں گے ایک پوسٹ میں مین نے لکھا تھا کہ زعفران کا متبادل بہترین رائی ھے قدیم حکماء جلوتری متبادل لکھتے ھیں تو کوئی کچھ اور لکھتا ھے آج آپ کو ایک بہت بڑا نقطہ سمجھا دیتا ھوں ھر وہ دوا یا غذا جس کا ذکر قرآن مجید میں ھے یاد رکھیں وہ دوا اور غذا اللہ تعالیٰ نے انوکھی فطرت دے کر پیدا فرمائی ھے اب اس کا متبادل نہیں ھو سکتا وہ اکیلی دوا تمام شفائی اثرات لئے ھوتی ھے جب دوا سے شفا نکال دیں گے تو باقی کیا بچا یہ آپ ھی بتا دیں دوسری بات یاد رھے اکیلا زعفران کینسر جیسے مرض سے بدن کو محفوظ کرتا ھے باقی اس نسخہ میں دو اور چیزیں ذرا مہنگی ھیں ایک مصطگی رومی اور دوسری عود بلسان ان کا اصل ملنا بھی کافی محنت طلب کام ھے کوشش کرکے ان اجزاء کی صحت دیکھ لیں کیا واقعی درست ھیں یا دو نمبر اگر تمام اجزاء درست اوزان ڈال کر اس جوارش کو بنایا جائے تو بہت سے امراض کے علاج میں استعمال کرکے آپ شہرت دوام حاصل کرسکتے ھیں گروپ مطب کامل محمود بھٹ

معجون ڈپریشن|Depression

Majon|Majoon Depression

۔۔۔۔۔۔۔۔۔ مطب کامل ۔۔۔۔۔۔۔۔۔۔۔۔۔
۔۔۔۔معجون ڈپریشن ۔۔۔۔۔۔۔۔۔
کل ایک پوسٹ برھمی بوٹی پہ اپنے دوسرے گروپ خزائن المفردات میں لکھی تھی جس میں تفصیل سے اس کے فوائد اور نقصانات پہ بحث کی یہ بات بھی دلائل سے ثابت کی کہ نباتات کا مقررہ مقدار سے زیادہ استعمال کرنا نقصان دہ بھی ھوتا ھے خیر اس پوسٹ میں برھمی سے متعلقہ کچھ نسخہ جات بھی ساتھ لکھ دیے تھے یہ آج کا نسخہ حسب فرمائش شاگرد رشید جناب ظہور احمد رضا صاحب کی فرمائش پہ دوبارہ لکھ رھا ھوں عرصہ گزرا اس دوا کی پہلے بھی ایک دفعہ پوسٹ لکھ چکا ھوں اس وقت شاید اس کا نام مین نے معجون پاگل پن لکھا تھا یا پھر اسے معجون مالیخولیا لکھا ھو گا آپ اسے معجون برھمی بھی کہہ سکتے ھیں پہلے حکماء اکثر دواؤں کے نام اسی طرح رکھا کرتے تھے کہ جو بھی دوا زیادہ مقدار میں نسخہ کے اندر ھو دوا کا نام بھی اسی پہ رکھ دیا جاتا لیکن آج مین نے مرض کو مقدم رکھا اور دوا کا نام بھی جدید یعنی انگریزی نام رکھ دیا
وقت کی گردش اور زمانہ کی جدت کا اثر ھے جس مرض کو حکماء حضرات سینکڑوں سال سے مالیخولیا کے نام سے پکارتے آئے ھر ایک عام آدمی بھی اسی نام سے اسے جانتا تھا بلکہ بعض دفعہ بڑے بزرگ گھر کے اندر اپنے بچوں کو سرزنش کرتے ھوئے کسی بھی بچے کو شرارتیں زیادہ کرے یا باتونی زیادہ ھوتا یا جو تنگ زیادہ کررھا ھوتا اسے کہتے کہیں تجھے مالیخولیا تو نہیں ھو گیا اسی طرح مالیخولیا کی عام مثالیں دی جاتی تھی لیکن آج اس دور جدید میں کوئی بھی اسے اس نام سے نہیں جانتا اب اسے لوگ ڈیپریشن کے نام سے جانتے ہیں اور بعض حکماء ڈیپریشن کو الگ سے کوئی مرض سمجھتے ھیں جبکہ مالیخولیا کو الگ سے کوئی مرض سمجھتے ھیں جبکہ یہ دونوں جدید اور قدیم ایک ھی مرض کے دو معروف نام ھیں آئیے پہلے دوا کی ترتیب لکھتے ھیں بعد میں فوائد بھی بالترتیب لکھتے ھیں
قسط
اسگندھ
نمک طعام
اجوائن دیسی
سنڈھ
مگھاں
ھر ایک دوا تولہ
ورچھ چھ تولہ
شہد سب دواؤں کے وزن سے تین گنا
تمام دوائیں پیس کر برھمی بوٹی تازہ کا پانی حسب ضرورت نکال لیں اور سب دوائیں اس میں تر کرکے ایک دن کے لئے رکھ دیں دوسرے دن شہد کا قوام کرکے اب دوا ملا کر معجون کی شکل بنا لیں بس دوا تیار ھے
مقدار خوراک زیادہ سے زیادہ چھ ماشہ تک صبح شام کھلائیں
مراق جنون مالیخولیا وھم معدہ کی خرابی سے پیدا شدہ ڈیپریشن کی علامات سب کے لئے بہت ھی اعلی دوا ھے سینکڑوں سال سے میرے اجداد کے تجربہ میں یہ دوا چلی آرھی ھے سوداوی مادہ کا بڑی تیزی سے اخراج کرتی ھے اب یہ تو نہیں لکھوں گا کہ صدیوں سے آزمودہ سینہ کا راز لکھ دیا ھے کیونکہ مین روزانہ ایک راز ھی لکھا کرتا ھوں دعاؤں میں یاد رکھا کریں جب تک زندگی ھے لکھتا رھوں گا محمود بھٹہ گروپ مطب کامل

جوارش شاھی||jawarish shahi

۔۔۔۔۔۔۔۔۔۔مطب کامل ۔۔۔۔۔۔۔۔۔۔۔۔۔۔۔۔
۔۔۔۔۔ جوارش شاھی۔۔۔۔۔۔۔۔
آج حقیقت میں پوسٹ لکھنے کو جی نہیں چاہ رھا تھا دنیائے اسلام میں ایک انتہائی اہم اور افسوسناک خبر سنی گئی ھے نیوزی لینڈ میں 49مسلمان دو مساجد میں شہید کردئیے گئے اور ایک سوکےقریب زخمی ھیں دعا ھے اللہ تعالیٰ سب کو جنت الفردوس میں اعلی مقام عطا فرمائے اور وارثان کو صبر جمیل عطا فرمائے دوستو اس واقعہ سے چند باتیں واضح ھو گئیں
1۔۔۔ مغربی دنیا کے چہرے سے مہذب ھونے اور خود کو اعلی معاشرہ کہلوانے والا نقاب اتر گیا اور اصل چہرہ کی پہچان پورے عالم کو ھو گئی کہ حقیقت میں دھشت گرد کون ھے نہتے اور مظلوم لوگوں پہ ایسی بے دردی سے گولیاں برسانا انسانیت کا پردہ چاک کرگئیں اور درندگی کا ایسا مظاھرہ بچوں اور خواتین اور بوڑھوں تک کو معاف نہیں کیا گیا تاریخ کے سیاہ اوراق مین ظلم و بربریت کی داستان رقم کردی گئی چند روز پہلے مغربی معاشرے سے متاثر اور پروردہ خواتین کا شتر بے مہار ڈانس مارچ جو پاکستان میں ھوا امید ھے سنجیدہ اور شریف طبقہ ایسے جنسیات کے مبلغین کے سامنے سیسہ پلائی دیوار ضرور بنیں گے تاکہ مادر پدر آزاد قوم پیدا نہ ھو سکے اسلام میں جو مقام عورت کا ھے دعوے سے کہتا ھوں اتنا اونچا مقام اور تحفظ دنیا کے کسی بھی دیگر معاشرے یا مذھب میں نہیں ھے اللہ تعالیٰ سب کو سیدھی راہ اور ھدایت نصیب فرمائے
دوستو جوارش شاھی کا مرکب جو عام حکماء بناتے ھیں مربہ سیب 5تولہ مربہ آملہ دس تولہ ۔۔مربہ گاجر 5تولہ زرشک 5تولہ الائچی خورد دو تولہ یہ دوا فائدہ مند ضرور ھے نیند نہ آنا اختلاج قلب اور بلڈ پریشر میں بھی درست ھے لیکن میں جو دوا ترتیب دیتا ھوں اس کا نسخہ مندرجہ ذیل ھے مربہ آملہ 10تولہ۔ مربہ سیب 5تولہ۔ مربہ گاجر دس تولہ۔ کشنیز دوتولہ۔ الائچی خورد دو تولہ ۔ صندل سفید دوتولہ ۔گل سرخ دو تولہ ۔ زرشک شیریں 5تولہ ۔ شیرہ مربہ سیب و شیرہ مربہ آملہ و شہد برابر وزن دواؤں سے تین گنا قوام کرکے ڈال لیں اور جوارش تیار کریں غدی تحریک سے ضعف قلب خشکی نیند نہ آنا۔ گھبراہٹ۔بے چینی مالیخولیا خفقان تبخیر معدہ ان سب عوارضات میں فوری اثر ثابت ھو گی گروپ مطب کامل محمود بھٹہ

درد شقیقہ اور درد اعصابہ

۔۔۔۔۔۔۔۔مطب کامل ۔۔۔۔۔۔۔۔۔۔۔
۔۔۔۔۔۔ درد شقیقہ اور درد اعصابہ ۔۔۔۔۔۔
یہ دونوں الگ الگ مرض ھیں بعض اوقات ایک اچھا طبیب بھی مشکل میں پڑ جاتا ھے اور فرق نہیں سمجھ پاتا کہ آیا اعصابہ کا درد ھے یا درد شقیقہ ھے آئیے آج ان دونوں کی علامات خاص سے تفریق کرتے ہیں
ایک بات اور بھی یاد رھے علامات دوقسم کی ھوتی ھیں ایک علامات عامہ اور دوسری علامات خاصہ ھوتی ھیں
اب وہ علامات جن کا تعلق کسی بھی بیمار عضو سے خاص کر ھوتا ھے وہ علامات خاصہ ھوتی ھیں اور علامات عامہ وہ ھوتی ھیں جو پورے بدن میں پھیلی ھوتی ھیں مثلاً بخار تشنج یا خون کا آنا سوزش وغیرہ یہ علامات کسی بھی تحریک میں پیدا ھو سکتی ھیں اب پہلے ذکر کرتے ھیں
درد شقیقہ کا یعنی آدھے سر کا درد
وہ درد سر جو بائیں طرف نصف سر میں لمبائی کے رخ میں ھوتا ھے یہ حقیقت میں دماغ کے غدی پردے میں پریشر اور تیزی ھوتی ھے یعنی غدی عضلاتی تحریک میں پیدا ھوتی ھے یا اسے گرمی خشکی کی تحریک کہہ سکتے ھیں یہ درد سر میں اندر کی طرف ھوتا ھے
اب درد اعصابہ کے بارے میں
یہ وہ درد ھے جو سر اور ابرو میں ھوتا ھے یہ حقیقت میں عصبی درد ھے یہ سر کے اعصاب میں سردی تری کی وجہ سے ھوتا ھے یہ شقیقہ کے برعکس ھمیشہ دائیں طرف ھوتا ھے جب مرض کبھی بہت شدت اختیار کر جائے تو پھر دوسرے ابرو اور پھر پورے سر میں پھیل جاتا ھے اعصاب چونکہ باھر کی طرف ھوتے ھیں اس لئے اس درد کا احساس بھی باھر کی طرف ھی ھوتا ھے جیسے کسی نے ابرو یا سر کے گرد پٹی سے باندھ رکھی ھے اس میں تحریک اعصابی عضلاتی ھوتی ھے اس درد میں پیٹ کی خرابی کی بھی عام طور پہ شکایت ھوتی ھے
تشریح۔۔یعنی درد شقیقہ گرمی کی وجہ سے ھوا کرتا ھے جبکہ اعصابہ کا درد سردی کی وجہ سے ھوتا ھے
اس لئے درد شقیقہ سورج طلوع ھونے کے بعد بڑھتا ھے اور سورج غروب ھونے پہ ختم ھو جاتا ھے
جبکہ اعصابہ کا درد رات کو زیادہ اور دن میں کم ھوتا ھے اس کی وجہ یہ ھے کہ اس کا مادہ سرد ھے یاد رھے دن کی گرمی میں سردی کی کیفیات میں قدرے تبدیلی ھوا کرتی ھے یہ بات بھی ذھن میں رھے سردی کی کیفیات تبدیل ھونے کے باوجود اپنا اثر قائم رکھتی ھیں
شقیقہ میں گرمی کے ساتھ خشکی ھوتی ھے اس لئے دن میں حدت بڑھنے سے خشکی مذید گرمی میں بدل جایا کرتی ھے اس لئے یہ درد سورج طلوع ھونے کے ساتھ ساتھ بڑھتا رھتا ھے
اب علاج پہ توجہ دیتے ھیں
علاج درد شقیقہ۔۔۔۔۔
جوارش شاھی چمچ چمچ دن میں تین بار
اور اعصابی غدی مسہل رات سوتے وقت
اسطوخودوس بسفائج کشنیز افتیموں مرچ سیاہ کا جوشاندہ دین ھر دوا ایک ایک ماشہ جبکہ مرچ سیاہ آٹھ دانہ شامل کریں
علاج درد اعصابہ۔۔
اطریفل زمانی صبح 5گرام جبکہ رات سوتے وقت 10گرام دیں ھمراہ قہوہ دیں یا پھر رات سوتے وقت حب صابر دو گولی دیں
تریاق تبخیر دو گولی دن میں تین بار دیں
یہ مشہور عام نسخہ جات ھیں سب دواؤں کے اس لئے دوبارہ لکھنے کی ضرورت نہیں ھے پہلے کئی بار لکھ چکا ھوں